​Xhaçka për aksidentin në Bullgari: Viktimat ishin shqiptarë nga Maqedonia e Veriut

Ministrja e Punëve të Jashtme e Shqipërisë, Olta Xhaçka, reagoi pas aksidentit që ndodhi në Bullgari ku një autobus u përplas dhe mori flakë duke i marrë jetën 46 personave.

Ajo deklaroi se 45 të vdekur janë shqiptarë të Maqedonisë së Veriut duke shprehur ngushëllime familjarëve.

“Dhimbje e madhe për 45 jetët e humbura të shqiptarëve nga Maqedonia e Veriut gjatë aksidentit tragjik në Bullgari. Ngushëllimet më të sinqerta familjeve të viktimave dhe shërim të shpejtë të plagosurve. Shqipëria është pranë Maqedonisë së Veriut dhe popullit të saj në këtë moment të vështirë!”, shkroi Xhaçka.

VIDEO:

Aksident tragjik në Bullgari, së paku 46 të vdekur Aksident tragjik në Bullgari, së paku 46 të vdekur

Në një prononcim të mëhershëm, kryeministri maqedonas Zoran Zaev foli për 46 viktima por nuk specifikoi përkatësinë etnike./Telegrafi/

The post ​Xhaçka për aksidentin në Bullgari: Viktimat ishin shqiptarë nga Maqedonia e Veriut appeared first on Telegrafi.