Adele mbetet jashtë nominimeve të Grammy Awards 2022

Albumi “30” i këngëtares Adele nuk ishte i përshtatshëm për asnjë nominim për çmimet “Grammy 2022” për shkak të datës së publikimit.

Materiali i përshtatshëm për “Grammy 2022”, për të cilin nominimet u shpallën të martën, duhej të ishte publikuar nga 1 shtatori 2020 deri më 30 shtator 2021, sipas Akademisë së Regjistrimit.

Artistja muzikore 33-vjeçare publikoi këngën e saj të parë të albumit, “Easy on Me”, më 15 tetor 2021, dhe albumi në tërësi u publikua më 19 nëntor 2021, shkruan DailyMail.

Materiali do të jetë i përshtatshëm për çmimet “Grammy 2023”; albume të tjera të dukshme në të njëjtën rrethanë përfshijnë atë të Megan Thee Stallion, “Something for Thee Hotties”, “=” nga Ed Sheeran, dhe “Red (Taylor’s Version)” të Taylor Swift.

VIDEO:

Adele në karrierën e saj fitoi 15 nga 18 nominimet e Grammy-t, duke përfshirë çmimet e rëndësishme: “Artistja e re më e mirë” dhe dy herë duke fituar çmimet për “Albumin e vitit” dhe “Këngën e vitit”.

Publikohen nominimet e Grammy Awards 2021 - shqiptarët mbesin jashtë, ABBA marrin nominimin e parë në karrierë Publikohen nominimet e Grammy Awards 2021 – shqiptarët mbesin jashtë, ABBA marrin nominimin e parë në karrierë

Adele muajin e kaluar njoftoi datën e publikimit të albumit, i pari i saj në gjashtë vjet, në një postim në Instagram në të cilin ajo deklaroi se ishte ‘gati për ta nxjerrë më në fund këtë album’.

Në postim, artistja britanike foli për rrugëtimin e saj personal në krijimin e albumit të ardhshëm, një kornizë kohore që përfshin divorcin e saj në vitin 2019 nga ish-burri Simon Konecki.

“Sigurisht që nuk isha afër vendit ku do të shpresoja të isha kur e nisa për herë të parë gati tri vjet më parë”, tha ajo. “Në fakt krejt e kundërta. Unë mbështetem te rutina dhe qëndrueshmëria për t’u ndjerë e sigurt, e kam bërë gjithmonë. E megjithatë aty me vetëdije – me dëshirë madje, duke u hedhur në një labirint të rrëmujës absolute dhe trazirave të brendshme”, shtoi ajo.

Jay-Z bëhet zyrtarisht artisti më i nominuar në histori të Grammy Awards Jay-Z bëhet zyrtarisht artisti më i nominuar në histori të Grammy Awards

Adele tha se pasi mësoi ‘shumë të vërteta të vështira në shtëpi për veten’, ajo ‘ka hedhur shumë shtresa, por gjithashtu është mbështjellë me të reja’.

“Ndjehem sikur më në fund kam gjetur sërish ndjenjën time”, tha ajo. “Unë do të shkoja aq larg sa të thosha se kurrë nuk jam ndjerë më e qetë në jetën time”.

Albumi debutoi me sukses përvëlues, duke u bërë albumi më i shitur i vitit në tri ditë pas publikimit të tij me më shumë se 500,000 njësi të zhvendosura, raportoi Billboard të hënën. /Telegrafi/

The post Adele mbetet jashtë nominimeve të Grammy Awards 2022 appeared first on Telegrafi.