Analistët debatojnë rreth përplasjeve Kurti-Vuçiq në Bruskel, përmendin zgjedhjet në Kosovë e Serbi si ndër faktorët e tensionit

Kryeministri i Kosovës, Albin Kurti dhe presidenti i Serbisë, Aleksandër Vuçiq, zhvilluan takimin e dytë të hënën në Bruksel në kuadër të bisedimeve për normalizimin e marrëdhënieve ndërmjet të dyjave vendeve, por, pa ndonjë pajtim.

Panelistët në “Debat Plus” kanë komentuar për rezultatet e këtij takimi.

Zgjim Hyseni nga PSD thotë se asgjë e jashtëzakonshme në takimin e Brukselit nuk ka ndodhur mes Kurtit dhe Vuçiqit.

“Mungesë dialogu ka pasur prej dy viteve. Kundërthëniet mes palëve nuk janë aspak të reja. Nëse ka diçka të re në këto kundërthënie le ta thotë dikush. Ka mungesë të vullnetit politikë mes palëve për të dialoguar”, deklaroi ai.

VIDEO:

Gazetari Xhevdet Pozhari thotë se Kurti në dy takime që ka pasur me presidentin e Serbisë ka treguar se ka dinjitet.

“Mua më ka lënë përshtypje se deri më tani zoti Kurti në asgjë nuk ka ndryshuar nga ajo që ka premtuar para elektoratit. Tashmë po shihet se presioni ka rënë mbi Serbinë. Pra kemi një përfaqësim më dinjtoz në dialog”, tha ai, përcjell Telegrafi.

Emini: Askush nuk ka pritur progres në dialog, për BE-në mjaftojnë të takohen palët Emini: Askush nuk ka pritur progres në dialog, për BE-në mjaftojnë të takohen palët

Ish-këshilltari i ish-presidentit të Kosovës, Hashim Thaçi, Ardian Arifaj thotë se është normale që Albin Kurti të ketë tensione me përfaqësuesit serb në Bruksel edhe për shkak të qëndrimit të tij në burgje serbe.

“Edhe Daçiqi i ka thënë Thaçit unë kam kërkuar të vrasë e tash po ulemi në tavolinë. Këto tensione janë normale”.

Arifaj thotë se megjithatë për Kurtin është me rëndësi që të ketë një paraqitje të mirë për shkak të afrimit të datës së zgjedhjeve lokale.

Nga ana tjetër ish-këshilltari i Edita Tahirit në dialog, Gazmir Raci thotë zgjedhjet lokale nuk mund të lidhen me dialogun pasi sipas tij në atë proces ka impenjim të madh nga BE dhe SHBA.

Raci thotë se deklarata e Borrellit para takimit ishte shumë optimiste.

“Borrelli tha se dialogu synon arritjen e një marrëveshje finale ligjërisht të pranueshme nga palët dhe kjo është shumë e rëndësishme. Këtë kërkesë e ka pasur edhe kancelarja Merkel dhe këtu shoh vetëm pozitivitet”, tha ndër të tjera Gazmir Raci./Telegrafi/

The post Analistët debatojnë rreth përplasjeve Kurti-Vuçiq në Bruskel, përmendin zgjedhjet në Kosovë e Serbi si ndër faktorët e tensionit appeared first on Telegrafi.