Anita Haradinaj shijon jetën e natës me Ramushin, pozon e lumtur në krahët e tij

Spikerja e lajmeve në RTK, Anita Muçaj-Haradinaj, është shpesh e komentuar për jetën e saj private.

Si bashkëshorte e politikanit të njohur, Ramush Haradinaj, Anita ka marrë gjithmonë vëmendjen e mediave për qëndrimin krah tij.

Ajo është herë pas here aktive në rrjetet sociale, ku ndan me ndjekësit imazhe të ndryshme nga përditshmëria, qofshin ato fotografi pranë familjarëve të saj.

VIDEO:

Anita dhe Ramush Haradinaj (Foto: Anita Muçaj/Instagram)

Së fundmi, Muçaj-Haradinaj publikoi në InstaStory një fotografi, ku tregonte se ishte duke shijuar një natë ndryshe në lokal, pranë bashkëshortit të saj.

Megjithëse është shprehur shpesh në intervista se për shkak të angazhimeve të shumta të Ramushit, koha që kalojnë së bashku është e limituar, Anita duket e lumtur që ka pasur mbrëmjen e së mërkurës në krah burrin e saj.

Foto: Anita Muçaj/InstaStory

“Na”, ka shkruar prezantuesja e lajmeve në mbishkrimin e kësaj fotografie, ku dukej në disponim shumë të mira, ndërsa merrte një përqafim nga Ramushi nën krahët e tij.

Çifti Haradinaj përndryshe janë prindër të tre fëmijëve: Gjinit, Hanës dhe Trimit, dhe jetojnë prej vitesh në një nga lagjet periferike të kryeqytetit. /Telegrafi/

The post Anita Haradinaj shijon jetën e natës me Ramushin, pozon e lumtur në krahët e tij appeared first on Telegrafi.