Apeli refuzon ankesën e Shefki Spahiut, mbetët në fuqi dënimi me burg të përjetshëm për vrasjen e Jetmir Aliajt në kazino

Gjykata  e Apelit e ka vërtetuar aktgjykimin e Gjykatës Themelore në  Prizren për burg të përjetshëm për Shefki Spahiun i cili vrau Jetmir Aliajn më 17 mars 2019 në një kazino në Suharekë.

Apeli ia refuzoi ankesën e parashtruar nga mbrojtja e Shefki Spahiut për vrasjen e Aliajt, duke i vërtetuar dënimin me burg të përjetshëm, teksa lënda kalon në Gjykatën Supreme.

Për Telegrafin këtë e ka konfirmuar zëdhënësi i Gjykatës Themelore të Prizrenit, Marcel Lekaj.

VIDEO:

Në shtator të vitit 2020, është dënuar me burgim të përjetshëm ish-rreshteri i Policisë së Kosovës, Shefki Spahiu, i akuzuar për vrasje të rëndë dhe manipulim me prova.

Burgim i përjetshëm për policin që akuzohet se vrau punëtorin e kazinos në Suharekë Burgim i përjetshëm për policin që akuzohet se vrau punëtorin e kazinos në Suharekë

Sipas aktgjykimit të shpallur në Gjykatën Themelore në Prizren, është vërtetuar se i akuzuari ka kryer veprat penale me të cilat ngarkohet.

Më 31 maj 2019, Prokuroria Themelore në Prizren ka ngritur aktakuzë ndaj zyrtarit policor Shefki Spahiu, me arsyetimin se i njëjti, më 17 mars 2019, në Suharekë, në një kazino e cila gjendet në rrugën e Reshtanit, me qëllim të fitimit të dobisë pasurore me dashje dhe në mënyrë dinake, privon nga jeta punëtorin e kazinos, Jetmir Aliaj.

Sipas aktit akuzues, Spahiu pasi qëndroi në kazino, papritur, duke shfrytëzuar besimin dhe sinqeritetin e Jetmir Aliajt, në mënyrë dinake e kishte nxjerrë armën-pistoletën e markës “Glock”, të cilën e kishte të gatshme për shkrepje dhe nga një distancë 1 metër kishte shtënë një herë në pjesën ballore të kokës, duke shkaktuar vdekjen e viktimës. /Telegrafi/

The post Apeli refuzon ankesën e Shefki Spahiut, mbetët në fuqi dënimi me burg të përjetshëm për vrasjen e Jetmir Aliajt në kazino appeared first on Telegrafi.