Arsenal rrit çmimin e Xhakës, këtë shifër i kërkon Romës për transferimin e tij

Paraqitjet e mira të Granit Xhakës me Zvicrën në “EURO 2020”, siç duket i kanë rritur vlerën mesfushorit, shkruan Insajderi.

Interesim për transferimin e tij, tash e sa kohë ka shprehur Roma, të cilat sipas raportimeve të fundit kanë bërë edhe ofertë zyrtare prej 15 milion euro për të.

VIDEO:

Por, Arsenal nuk do të shesin për këtë shumë mesfushorin shqiptar, pasi ata i kanë bërë të ditur skuadrës nga kryeqyteti italian se nuk do të negociojnë nëse oferta është nën 20 milion euro.

Xhaka me “Gunners” ka kontratë deri në qershorin e vitit 2023, por për shkak të interesimit të skuadrave për shërbimet e tij, ai mund të largohet gjatë kësaj vere.

Përveç Romës, raportohet se interesim për të ka shprehur edhe skuadra tjetër italiane, Juventus.

28-vjeçari u bashkua me Arsenalin në verën e vitit 2016 nga Borussia Monchenglandbach për 40.5 milion euro.

Gjatë kësaj periudhe me klubin ai ka shënuar nëntë gola në 98 paraqitje në të gjitha garat për ta./Insajderi.com