Besart Berisha shkëlqen në Australi, gol dhe asistim në fitoren e Western United

Besart Berisha vazhdon të shkëlqejë në futbollin australian.

Pavarësisht se në korrik mbush 36 vite, sulmuesi kosovar nuk e ka humbur instiktin e tij vrasës para portës.

Berisha rezultoi edhe njëherë vendimtar për skuadrën e tij Western United duke i dhënë fitoren në ndeshjen ndaj Melbourne City me një gol dhe një asistim.

VIDEO:

Pas golit të anglezit Noone që i dha epërsinë skuadrës mysafire pas 12 minutave lojë, Berisha e mori skenën në pjesën e dytë.

Në minutën e 61-të Berisha dhuroi asistim për Wales që realizoi golin e barazimit.

Vetëm pesë minuta më vonë, Wales ia ktheu asistimin prishtinasit që shënoi gol të bukur për 2-1.

Ky ishte goli i gjashtë këtë kampionat për sulmuesin kosovar i cili pavarësisht moshës vazhdon të shënojë rregullisht në elitën e futbollit australian. /Telegrafi/

The post Besart Berisha shkëlqen në Australi, gol dhe asistim në fitoren e Western United appeared first on Telegrafi.