Brooklyn Nets tregojnë forcën edhe me Clippers, triumfojnë përsëri në Staples Center

Brooklyn Nets kanë marrë fitoren e dytë të njëpasnjëshme në arenën Staples Center të Los Angelesit.

Pasi mposhtën Lakers tri ditë më parë, Brooklyn Nets kanë arritur të largohen edhe njëherë si triumfues nga Kalifornia, pasi kanë triumfuar edhe ndaj LA Clippers.

Pas 48 minutave lojë fantastike, Nets kanë fituar sfidën me katër pikë diferencë 108:112.

James Harden ishte fantastik në këtë takim me dyshifror të dyfishtë prej 37 pikëve e 11 kërcimeve, ndërsa shtoi edhe shtatë asistime.

VIDEO:

Me lojë të mirë te fituesit u dallua edhe Kyrie Irving me 28 pikë, derisa me pikë dyshifrore e mbyllën ndeshjen edhe Brown, Harris e Jordan që shënuan nga 13 pikë.

Tek vendasit e Clippers më i dalluari ishte Paul George me 34 pikë, derisa Kawhi Leonard shtoi 29 të tjera, por që nuk i mjaftuan për fitore.

Me fitoren e arritur, Brooklyn kalojnë në vendin e dytë në Konferencën e Lindjes me 20 fitore e 12 disfata.

Në anën tjetër Clippers mbesin të tretët në Perëndim me 22 fitore e 10 humbje. /Telegrafi/

Rezultatet:

Cleveland Cavaliers – Oklahoma City Thunder 101:117

New York Knicks – Minnesotta Timberwolves 103:99

Orlando Magic – Detroit Pistons 105:96

Toronto Raptors – Philadelphia 76ers 110:103

Atlanta Hawks – Denver Nuggets 123:115

LA Clippers – Brooklyn Nets 108:112

Milwaukee Bucks – Sacramento Kings 128:115

The post Brooklyn Nets tregojnë forcën edhe me Clippers, triumfojnë përsëri në Staples Center appeared first on Telegrafi.