Burri nga Turqia pozoi me gruan shtatzënë dhe më pas e shtyu nga shkëmbi – e bëri që të përfitonte nga sigurimi – publikohen momentet e fundit të viktimës

Janë publikuar pamjet amatore që shfaqin momentet e fundit të gruas e cila shtyhet nga shkëmbi nga partneri, me të cilin priste të sillte në jetë një fëmijë.

Hakan Aysal, 40-vjeç, u arrestuar për vrasjen e gruas Semra Aysal, 32-vjeçe dhe foshnjën e saj të palindur, derisa dyshja ishin në pushime në luginën Butterly të qytetit turk Mugla, transmeton Telegrafi.

Aysall dyshohet se e ka shtyrë nga shkëmbi gruan e tij që ishte në muajin e shtatë të shtatzënisë, dhe që mbeti e vdekur në vend gjatë qershorit të vitit 2018.

VIDEO:

Dyshja kishin bërë fillimisht fotografi së bashku nga shkëmbi, e prokurorët thonë se “aksidenti” në fakt ishte një vrasje e kryer nga Aysal – me qëllim që t’i përfitojë paratë nga sigurimi i Semras.

Videoja është publikuar që tregon dyshen duke ecur në një shteg të rrezikshëm të shkëmbit. Madje Aysal ia mban dorën gruan derisa ecte nëpër shkëmb me qëllim që të kenë një pamje sa më të mirë për fotografitë pranë Egjeut, qindra metra lartësi mbidetare.

Vetëm një minutë më vonë thuhet se ai e kishte shtyrë nga shkëmbi gruan, e ngjarjen e ka filmuar një turist që pretendon se Aysal vazhdimisht sillej çuditshëm. /Telegrafi/

The post Burri nga Turqia pozoi me gruan shtatzënë dhe më pas e shtyu nga shkëmbi – e bëri që të përfitonte nga sigurimi – publikohen momentet e fundit të viktimës appeared first on Telegrafi.