Bytyçi i PDK-së: Kurti e Osmani, me xhipa të zi në ditë pune bëjnë piknik – këndej ekonomia në greminë e dhjetra vdekje nga COVID-19

Zëdhënësi i PDK-së, Avni Bytyçi ka reaguar pasi kryeministri Albin Kurti, së bashku me kandidaten për presidente Vjosa Osmani, kanë kaluar një ditë në parkun e Gërmisë.

Në fotografitë që kanë qarkulluar në rrjetet sociale, Kurti shihet së bashku me Osmanin.

Bytyçi ka shkruar se Kurti dhe Osmani kanë dalur me familje në një ditë pune, kur në vend është rritur numri i të infekuarve, e vdekjeve nga coronavirusi.

VIDEO:

Kurti e Osmani relaksohen me familjet e tyre në parkun e Gërmisë Kurti e Osmani relaksohen me familjet e tyre në parkun e Gërmisë

“Me GJIPA të ZI, rreth 10 prej tyre, e me truproje për në Gërmi me familje, kuptohet në ditë punë. Ekonomia në greminë, e mbi 10 vdekje mesatarisht në ditë për shkak të pandemisë, Albin Kurti dhe Vjosa Osmani gjetën kohën edhe për piknik. Kësaj i them me pas prioritete në jetë”, tha Bytyçi.

“Po e paramendoj histerinë e disave sikur të vepronin të tjerët kështu. Edhe mos të harroj ata nuk kishin të veshur patike”, ka shkruar ai.

Kurti kishte postuar edhe disa fotografi nga qëndrimi në Gërmi, ku ka shkruar se ka kaluar mirë së bashku Osmanin dhe familjet./Telegrafi/

The post Bytyçi i PDK-së: Kurti e Osmani, me xhipa të zi në ditë pune bëjnë piknik – këndej ekonomia në greminë e dhjetra vdekje nga COVID-19 appeared first on Telegrafi.