Chelsea rivalizon Bayern Munichut, bën ofertë për transferimin e Frenkie De Jong

Klubi anglez, Chelsea thuhet se ka paraqitur tashmë një ofertë për mesfushorin e Barcelonës, Frenkie De Jong.

Ekipi i Thomas Tuchel synon të përforcohet në afatin kalimtar të janarit, pasi kanë dëshpëruar deri tani.

Sipas mediumit El Nacional, pronari i Chelseat, Roman Abramovich është i prirur të rrëmbej holandezin Frenkie de Jong nga duart e Barcelonës.

VIDEO:

Pesë gjigantë evropianë kontaktojnë Laportan pasi Barcelona e konsideron shitjen e De Jongut Pesë gjigantë evropianë kontaktojnë Laportan pasi Barcelona e konsideron shitjen e De Jongut

Klubi londinez tashmë raportohet se ka paraqitur edhe një ofertë te Barcelona e cila peshon 40 milionë euro.

Megjithatë, kuptohet që klubi nga Camp Nou dëshiron që negociatat mes klubeve të fillojnë me ofertë minimale prej 60 milionë euro.

Raporti më pas pretendon se nëse performancat e De Jongut vazhdojnë të bien, çmimi i tij mund të bjerë në 50 milionë euro.

Transferimi i yllit holandez nuk do të jetë i lehtë për Chelsean, pasi londinezët duhet të luftojnë kundër Bayern Munich për nënshkrimin e tij. /Telegrafi/

The post Chelsea rivalizon Bayern Munichut, bën ofertë për transferimin e Frenkie De Jong appeared first on Telegrafi.