Çmimi i iPhone 13 mund të jetë befasues, pavarësisht parashikimeve

Bastet janë të hapura. Disa orë para fjalës kryesore të Apple e cila do të prezantojë iPhone 13, lind pyetja: me çfarë çmimi do të shitet ky telefon i mençur i ri premium?

Dhe ndonëse nuk dihet saktë, të gjithë e dinë një pjesë të përgjigjes – po, do të jetë e shtrenjtë, shkruajnë mediat e huaja, përcjell Telegrafi.

Në vitin 2020, Apple lansoi iPhone 12 mini nga 809 euro (me 64 GB hapësirë ruajtëse), iPhone 12 nga 909 euro (me 64 GB hapësirë ruajtëse), iPhone 12 Pro nga 1149 euro (me 128 GB hapësirë ruajtëse) dhe iPhone 12 Pro Max nga 1259 euro (me 128 GB hapësirë ruajtëse).

VIDEO:

iPhone 13 vjen sot – këto janë ato që presim dhe dimë deri tani! iPhone 13 vjen sot – këto janë ato që presim dhe dimë deri tani!

Sipas thashethemeve dhe informacioneve të ndryshme të dhëna javët e fundit nga specialistët, çmimet e iPhone 13 do të jenë pak a shumë identike.

Dhe nëse nuk do të ketë rritje të çmimeve, kjo vlerësohet si diçka befasuese, sidomos pas rritjes së çmimeve të përbërësve të caktuar, për shembull për çipave të prodhuara nga prodhuesi tajvanez TSMC nga janari 2022, të cilat mund të kishin krijuar një rritje parashikuese në Apple.

Sidoqoftë, kjo do të konfirmohet vetëm këtë të martë, 14 shtator gjatë prezantimit kryesor i cili do të fillojë në orën 19:00.

Ndërkohë edhe një webfaqe tjetër shkruan se sa i përket asaj se sa do të kushtojë iPhone 13, ne do të prisnim që çmimet të ndiqnin me gamën e iPhone 12.

Një vlerësim i tillë vjen pasi siç thuhet më tej, Apple ka tendencë të mbajë çmimet e tij për çdo gjeneratë të re të iPhone relativisht afër atij që i parapriu. /Telegrafi/

The post Çmimi i iPhone 13 mund të jetë befasues, pavarësisht parashikimeve appeared first on Telegrafi.