Djaloshi që i dha një flakaresh presidentit francez, pritet të dënohet me 18 muaj burg

Prokuroria po kërkon 18 muaj burg për francezin që goditi me shuplakë presidentin francez, Emmanuel Macronin.

Zyra e prokurorit në Valence, ka kërkuar 18 muaj burg për Damien Tarelin, i cili pranoi se ka goditur me shuplakë presidentin francez dy ditë më parë gjatë vizitës së tij në departamentin Drome.

Kjo shuplakë, “plotësisht e papranueshme”, “është dhunë e qëllimshme”, tha një zëdhënës i ministrisë, raporton theguardian.

Macron për shuplakën që mori nga qytetari: Kur budallallëku bëhet dhunë, nuk është e pranueshme Macron për shuplakën që mori nga qytetari: Kur budallallëku bëhet dhunë, nuk është e pranueshme

VIDEO:

Tarel akuzohet për sulm ndaj një zyrtari publik, për të cilin mund të marrë një dënim maksimal prej tre vjet burg dhe një gjobë prej 45 mijë euro.

Sulmi ndaj Macronit tronditi Francën dhe u dënua nga të gjitha partitë politike. Macron tha se ishte një incident i izoluar dhe se dhuna dhe urrejtja ishin një kërcënim për demokracinë.

Goditi me shuplakë Emmanuel Macronin - disa orë para ngjarjes, djaloshi kishte dhënë një intervistë për mediat franceze Goditi me shuplakë Emmanuel Macronin – disa orë para ngjarjes, djaloshi kishte dhënë një intervistë për mediat franceze

Djaloshi 28-vjeçar i papunë tha gjatë marrjes në pyetje se ishte i afërt me “Jelekët e Verdhë” anti-qeveritarë, një lëvizje që tronditi presidencën e Macronit dhe se ka bindje politike ultra të djathta.

Macron ishte duke vizituar Drome për të parë “vendin që merr frymë” pas pandemisë, më pak se një vit para zgjedhjeve të ardhshme presidenciale. /Telegrafi/

The post Djaloshi që i dha një flakaresh presidentit francez, pritet të dënohet me 18 muaj burg appeared first on Telegrafi.