Francezi projektoi një tren luksoz “qelqi”, do të kushtojë 350 milionë dollarë

Projektuesi francez Thierry Gaugain po nënshkruan projektin e një treni luksoz spektakolar “qelqi” që do të bëhet realitet.

Gaugain është i njohur për punën e tij në super jahte, duke përfshirë jahtin Venus të gjatë 80 metra, i cili i përkiste vizionarit legjendar Steve Jobs. Këtë herë, fokusi i tij ishte në konceptin e një treni luksoz me mure transparente, dhe projektin e tij e quajti G Train.

I përshkruar si një “pallat me rrota”, treni do të jetë 400 metra i gjatë.

VIDEO:

Secili prej vagonëve do të jetë si një dhomë e veçantë në një pallat të madh dhe do të përmbajë gjithçka, nga dhoma e pritjes në qendër, hapësira për të jetuar, argëtim, shoqërim e deri në sallon.

Pjesa e jashtme e trenit do të jetë prej xhami. Sipërfaqja e xhamit në brendësi do të jetë në gjendje të shërbejë si një ekran. Për të projektuar peizazhin ose ambientin e dëshiruar.

Shpejtësia e lartë nuk është fokusi, por një udhëtim argëtues dhe i rehatshëm.

Gaugain thotë se treni është për klientin individual, jo për kompaninë. I gjithë projekti kushton 350 milionë dollarë dhe prodhimi do të zgjasë dy vjet e gjysmë.

Ai do të bëhet për hekurudhat në Evropë dhe SHBA dhe do të jetë në gjendje të lëvizë me shpejtësi deri në 160 km/orë.

Ekspertë të ndryshëm do të përfshihen në procesin e prodhimit, duke përfshirë prodhuesin zviceran të trenave Stadler, prodhuesin e qelqit Saint-Gobain dhe firmën inxhinierike britanike Ecklersley O’Callaghan. /Telegrafi/

The post Francezi projektoi një tren luksoz “qelqi”, do të kushtojë 350 milionë dollarë appeared first on Telegrafi.