Gabriel Jesus në radarin e Juventusit, fillojnë besimet mes klubeve

Juventusi është në kërkim të një sulmuesi ku së fundi ka dalë në skenë emri i brazilianit Gabriel Jesus.

Ylli brazilian është mundësia më e madhe për bardhezinjtë në këtë afat kalimtar, pasi 24-vjeçari nuk është më i preferuari i Pepe Guardiolas.

Për një pjesë të madhe të sezonit, spanjolli ka zgjedhur të luajë pa një qendërsulmues në formacion, duke mos përdorur brazilianin.

VIDEO:

Në këtë periudhë Juventusi është gati të ndërhyjë, duke shfrytëzuar edhe marrëdhëniet e mira me Manchester Cityn dhe ka nisur kontaktet e para.

Sulmuesi ka kontratë deri në verën e vitit 2023 dhe ky është shansi i fundit për klubin anglez që ta shes me vlerën reale, pasi në verën e ardhshme mund ta humbë për një shifër shumë më të ulët.

Sulmuesi kaloi te City në verën e 2017, ndërsa aktualisht vlerësohet rreth 60 milionë euro.

Në katër sezone me fanellën e klubit anglez ai numëron 195 ndeshje dhe 82 gola të shënuar në të gjithë garat zyrtare. /Telegrafi/

The post Gabriel Jesus në radarin e Juventusit, fillojnë besimet mes klubeve appeared first on Telegrafi.