Gjykatësja urdhëron sigurimin që ta kthej në seancën Salih Mustafën

Gjykatësja, Mappie Veldt-Foglia ka dhënë urdhër verbal sigurimit që të kthejnë në seancën ku po mbahet gjykimi, ish-komandantin e UÇK-së, Salih Mustafa.

Ky i fundit pak minuta më parë lëshoi seancën.

VIDEO:

Specialja prezanton akuzat ndaj Mustafës, thotë se ishte pjesëmarrës në torturim të shqiptarëve dhe udhëheqës i njësitit “BIA” Specialja prezanton akuzat ndaj Mustafës, thotë se ishte pjesëmarrës në torturim të shqiptarëve dhe udhëheqës i njësitit “BIA”

“Ai në mënyrë vullnetare ka hequr dorë nga e drejta e tij të jetë i pranishëm. Avokati i tij është i pranishëm dhe do ti paraqes interesat e klientit të tij. Trupi gjykues e ka paraparë të nevojshme praninë e të akuzuarit. Gjykata e mban të drejtën që ta detyroj të akuzuarin të jetë i pranishëm edhe kur ai heq dorë nga kjo, kërkoj nga sigurimi që ta kthejnë në sallë”, u shpreh gjykatësja Veldt-Foglia.

Ajo më tej kërkoi nga avokati mbrojtës Julius von Bone, që të informoj klientin e tij se në seancat e ardhshme nuk do ta lejojë të përdorë gjuhë jo respektuese. /Telegrafi/

The post Gjykatësja urdhëron sigurimin që ta kthej në seancën Salih Mustafën appeared first on Telegrafi.