Grafitet kushtuar Mlladiqit në Beograd, mbulohen me afishe – Ratko Mlladiq kriminel i luftës

Organizuar nga Fondi për të Drejtën Humanitare në Beograd u shpërfytyrua grafiti kushtuar kriminelit të luftës, Ratko Mlladiq.

Grafitit, i cili ka qëndruar për një kohë të gjatë në rrugën Makedonska, rreth orës 13:00 i janë ngjitur afishe ku shkruhej “Ratko Mlladiq, kriminel lufte” dhe “Ratko Mlladiq i dënuar për gjenocid”.

VIDEO:

Një nga organizatorët është Natasha Kandiq nga FDH-ja, ndërsa në tubim janë paraqitur edhe Stasha Zajoviq, Aida Çoroviq, Antonela Riha dhe disa dhjetëra qytetarë, raporton reporteri N1.

Në tubim nuk ka pasur asnjë incident gjersa policia ka kërkuar kartat e identitetit të të grumbulluarve.

Me fillimin e ngjitjes ka reaguar sigurimi i Qendrës Rinore dhe ka kërkuar të ndalet, por ata janë tërhequr me shpejtësi. Më pas ka dalë një djalë i ri, i cili ka bërtitur që të grumbulluarit të largohen, pasi siç tha ai, “janë munduar të bëjnë punën e tyre”.

Natasha Kanadiq tha se qeveria e qytetit ka kohë deri në orën 18:00 për të hequr grafitin dhe mbishkrimet si dhe shtoi se ajo do të kthehet në të njëjtin vend nëse kjo nuk bëhet. /Telegrafi/

The post Grafitet kushtuar Mlladiqit në Beograd, mbulohen me afishe – Ratko Mlladiq kriminel i luftës appeared first on Telegrafi.