Igli Tare konfirmon ofertën nga Rusia për Vedat Muriqin, por nuk zbulon detajet dhe emrin e klubit

Drejtori sportiv i Lazios, Igli Tare, e ka konfirmuar se klubi kanë ‘marrë një ofertë nga Rusia’ për sulmuesin Vedat Muriqi, që besohet të jetë CSKA e Moskës.

Sulmuesi shqiptar ka qenë i lidhur me një largim, me klubin rus që ishte i pari që duket se ka bërë ofertë.

“Ne kemi marrë një ofertë nga Rusia, por nuk mund të them më shumë se kaq”, ka thënë Tare për Sport 24.

VIDEO:

Sipas raporteve të ndryshme nga mediat, oferta është 2.5 milionë euro për huazim me detyrim blerje për 8 milionë euro të tjera.

Qendërsulmuesi u ble për 20 milionë euro nga Fenerbahce në shtator 2020, por ka shënuar vetëm dy gola në 48 ndeshje.

27-vjeçari ka qenë i lidhur edhe me Leeds United, West Bromwich Albion, Newcastle United dhe Hull City.

Lazio është i detyruar të shesë përpara se të mund të sjellë përforcime./Telegrafi/

The post Igli Tare konfirmon ofertën nga Rusia për Vedat Muriqin, por nuk zbulon detajet dhe emrin e klubit appeared first on Telegrafi.