Katër të vrarë në Los Angeles, pas sulmit të katërt brenda një muaji në SHBA

SHBA

Katër persona, në mesin e tyre një fëmijë, janë vrarë të enjten në periferi të Los Angelesit.

VIDEO:

Policia amerikane ka plagosur të dyshuarin, i cili është arrestuar në vendin e ngjarjes.

Sulmi është i katërti i armatosur që ka ndodhur brenda vetëm një muaji në Shtetet e Bashkuara të Amerikës.

Deri të enjten policia nuk ka bërë të ditur motivet e këtij sulmi. Departamenti policor i qytetit Orange kishte pranuar thirrje për të shtëna dhe menjëherë i është kundërpërgjigjur sulmuesit.

Policia ka konfirmuar vrasjen e tre të rriturve dhe një fëmije, ndërkaq ka bërë të ditur se dy persona të plagosur janë dërguar menjëherë në spital.

Sulmi i së enjtes ka ndodhur më pak se dy javë qëkur tetë persona janë vrarë në Atlanta, ndërkaq edhe dhjetë të tjerë më 22 mars në Colorado.

Sulmuesit kanë vepruar të vetëm dhe janë arrestuar menjëherë.