Konjufca – deputetëve: Ata që paguhen prej taksave të marrin pjesë në seancë

“Të gjithë deputetët që paguhen prej taksave të qytetarëve të Republikës së Kosovës ftohen të marrin pjesë në seancën plenare. Një mirënjohje e veçantë për ju që jeni të përgjegjshëm. Lajm i keq është kur të përgjegjshmit janë pakicë”.

Kështu i është drejtuar kryetari i Kuvendit të Kosovës, Glauk Konjufca, deputetëve të cilët u vonuan.

VIDEO:

Pikërisht, Kuvendi kishte shpallur një pauzë, por deputetët nuk e respektuan kohën e caktuar.

Kjo bëri që Konjufca të ju drejtohet atyre, duke thënës e deputetët e përgjegjshëm janë pakicë.

Kuvendi i Kosovës, të enjten është duke e mbajtur seancën plenare.

Janë votuar disa projektligje. Por, pjesa më e rëndësishme ishte deklarata e ministrit të Mjedisit, Planifikimit Hapësinor dhe Infrastrukturës, Liburn Aliu, i cili ka thënë se “vendimi për tiketat ngjitëse është anuluar”.

Pas asaj, ka reaguar opozita, duke thënë se “Qeveria tentoi t’i vjedh qytetarët”. /Insajderi.com