KQZ merr vendim: Fushata zgjedhore mbetet 30 ditë

Komisioni Qendror i Zgjedhjeve ka marrë vendim që fushata për zgjedhjet lokale që pritet të mbahen më 17 tetor, të mbetet 30 ditë.

Kështu ka bërë të ditur kryetari i KQZ-së, Kreshnik Radoniqi, para fillimit të mbledhjes të së martës.

VIDEO:

Me këtë rast, u ka bërë thirrje subjekteve politike të certifikuara që t’i respektojnë masat për dhe kontrollin dhe parandalimin e COVID-19, gjatë fushatës zgjedhore.

“Siç e thash edhe dje periudha e fushatës zgjedhore për këto zgjedhje është 30 ditë dhe kjo periudhë është ligjore dhe nuk mund të ndryshohet, andaj i bëj thirrje subjekteve politike që gjatë kësaj periudhe t’i mbahen rregullave të KQZ-së”, ka thënë Radoniqi.