Kylie Jenner bëhet femra e parë që arrin 300 milionë ndjekës në Instagram

Kylie Jenner është bërë femra e parë në botë që arrin 300 milionë ndjekës në rrjetin social Instagram.

Ky moment historik e bën atë personin e dytë, pas futbollistit Cristiano Ronaldo (me 389 milionë), që arrin një numër kaq të lartë ndjekësish, ndërsa llogaria zyrtare e Instagramit është më e ndjekura në platformë me 460 milionë.

Më herët, Ariana Grande mbante pozitën e parë si femra më e ndjekur në Instagram. Në shkurt të vitit 2019, këngëtarja mblodhi 146.5 milionë ndjekës, duke ia kaluar Selena Gomez, e cila kishte pozicionin e më të ndjekurit para yllit të muzikës pop.

VIDEO:

Jenner e ka regjistruar këtë arritje në rrjetet sociale, pavarësisht se nuk ka postuar shumë në dy muajt e fundit.

Llogaritë dhe yjet botërore më të ndjekur në Instagram Llogaritë dhe yjet botërore më të ndjekur në Instagram

Manjatja e kozmetikës dhe ylli televiziv, e cila është në pritje të fëmijës së dytë me reperin Travis Scott, kishte marrë një pushim nga rrjetet sociale, pasi 10 fansa vdiqën në Festivalin Astroworld të Scott në Houston më 5 nëntor. Ajo u kthye në Instagram në prag të festave të fundvitit. /Telegrafi/

The post Kylie Jenner bëhet femra e parë që arrin 300 milionë ndjekës në Instagram appeared first on Telegrafi.