Marrëveshja e koalicionit qeverisës në Gjermani propozon edhe liberalizimin e vizave për Kosovën

Marrëveshja e koalicionit e tre partive gjermane që do të formojnë qeverinë e re federale mbështet integrimin evropian të gjashtë vendeve të Ballkanit Perëndimor, mëson European Western Balkans, përcjell Telegrafi.

Siç thuhet më tej, marrëveshja propozon hapjen e kapitujve të parë të negociatave me Shqipërinë dhe Maqedoninë e Veriut, liberalizimin e vizave për Kosovën dhe vazhdimin e negociatave me Malin e Zi dhe Serbinë.

“Ne mbështesim integrimin evropian të gjashtë vendeve të Ballkanit Perëndimor dhe, në këtë kuptim, reformat e nevojshme për të përmbushur të gjitha kriteret e Kopenhagës”, thuhet në dokument.

Rritja e pagës minimale, ulja e moshës së votuesve, nënshtetësia e dyfishtë për emigrantët,...: Këto janë pikat e koalicionit qeverisës në Gjermani Rritja e pagës minimale, ulja e moshës së votuesve, nënshtetësia e dyfishtë për emigrantët,…: Këto janë pikat e koalicionit qeverisës në Gjermani

VIDEO:

Në këtë kuadër do të forcohet edhe shoqëria civile, citohet të jetë thënë më tej.

Aty mbështetet gjithashtu dialogu Prishtinë-Prishtinë i zhvilluar nën “kujdesin” e BE-së, si dhe përpjekjet për të ruajtur paqen afatgjatë në Bosnjë dhe Hercegovinë bazuar në ruajtjen e integritetit territorial dhe kapërcimin e dallimeve etnike, përcjell Telegrafi.

Olaf Scholz merr detyrën e kancelarit gjatë muajit të ardhshëm, liderët e tri partive gjermane nënshkruajnë marrëveshjen e koalicionit Olaf Scholz merr detyrën e kancelarit gjatë muajit të ardhshëm, liderët e tri partive gjermane nënshkruajnë marrëveshjen e koalicionit

Përveç kësaj, shtohet se paralelisht me negociatat e anëtarësimit, duhet të përmirësohet kapaciteti i BE-së për të pranuar anëtarë të rinj.

Kancelar i ri i Gjermanisë do të jetë kreu i socialdemokratëve, Olaf Scholz, ndërsa Ministria e Jashtme, e cila përfshin edhe portofolin e Çështjeve Evropiane, pritet t’i kalojë të Gjelbërve. /Telegrafi/

The post Marrëveshja e koalicionit qeverisës në Gjermani propozon edhe liberalizimin e vizave për Kosovën appeared first on Telegrafi.