Nën hetime kryetari i Stambollit për “mosrespektim” të sulltanit

Autoritetet turke kanë hapur një hetim kundër kryebashkiakut të Stambollit, një nga rivalët kryesorë të presidentit Recep Tayyip Erdogan, kur ata e akuzojnë atë për “mosrespektim” sepse ai mbajti duart në shpinë gjatë një vizite në mauzoleumin e një sulltani.

Ministria e Punëve të Brendshme njoftoi se ka hapur një hetim kundër Ekrem Imamoglu për shkak të “akuzave për mosrespektim”, për të cilin ai pretendohet se është fajtor gjatë vizitës së vitit të kaluar në mauzoleun e Sulltan Mehmet II-të, pa dhënë më shumë detaje.

Sipas të përditshmes opozitare Cumhuriyet, e cila zbuloi çështjen, autoritetet akuzojnë Imamoglu se qëndron para varrit të Mehmet II-të me duart në shpinë, një qëndrim që ata e konsiderojnë fyese për sulltanin që pushtoi Stambollin në 1453, raporton euronews.

VIDEO:

Një hetim po zhvillohet gjithashtu për vizitat e Imamoglu te kryetarët e partive pro-kurde të Partisë Demokratike të Popullit (HDP), gjatë së cilës ai pretendohet se “lavdëroi kriminelët”, tha ministria.

HDP hedh poshtë akuzat dhe pretendon të jetë viktimë e shtypjes për shkak të kundërshtimit të ashpër ndaj presidentit turk.

Imagoglu, i cili vjen nga partia kryesore e opozitës, CHP (Social Demokratët), konsiderohet si një nga kundërshtarët më të shquar të presidentit Erdogan.

Imamoglu, shpesh i përshkruar nga vëzhguesit si një rival i mundshëm i Erdoganit në zgjedhjet presidenciale 2023, i dha një humbje poshtëruese kreut të shtetit në zgjedhjet lokale 2019, duke i dhënë fund sundimit 25-vjeçar të konservatorëve islamikë në qytetin më të madh të Turqisë. /Telegrafi/

The post Nën hetime kryetari i Stambollit për “mosrespektim” të sulltanit appeared first on Telegrafi.