Paris Saint-Germain po përgatit një ofertë të madhe për De Gean

Klubi francez, Paris Saint-Germain po përgatit një ofertë për portierin e Manchester Unitedit, David de Gea.

De Gea ka qenë në United për gati një dekadë, por aktualisht është e pasigurt nëse ai do të mbetet në Old Trafford edhe në sezonin e ardhshëm.

Dean Henderson është duke garuar me de Gean për fanellën numër 1 ​​në United dhe ka pasur sugjerime që njëri nga këta të dy të largohet këtë verë.

VIDEO:

United të hapur ta shesin De Gean, ia caktojnë edhe çmimin e largimit United të hapur ta shesin De Gean, ia caktojnë edhe çmimin e largimit

Nëse De Gea do të largohej nga United, kjo do ta linte Henderson të lirë të kërkonte vendin e parë në Old Trafford.

Sipas mediumit The Sun, trajneri i PSG-së, Mauricio Pochettino, e ka identifikuar de Gean si një objektivin kryesor dhe mund të sanksionojë një lëvizje të madhe parash për portierin spanjoll në afatin kalimtar të verës.

Duke pasur parasysh burimet e tyre financiare, PSG do të ishte në gjendje të përballonte pagën e De Geas prej 375 mijë funtesh në javë – më e larta në Ligën Premier dhe gjithashtu do të ishte në gjendje të ofronte një çmim të konsiderueshëm transferimi për të tunduar Unitedin për të shitur. /Telegrafi/

The post Paris Saint-Germain po përgatit një ofertë të madhe për De Gean appeared first on Telegrafi.