Punëtorët shëndetësorë të enjten hyjnë në grevë

Vazhdimi i injorimit të kërkesave të tyre lidhur me Ligjin për Paga, nga ana e Qeverisë së Kosovës, ka bërë që punëtorët shëndetësorë të enjten të hyjnë në grevë.

Kështu ka bërë të ditur për Telegrafin, kryetari i FSSHK-së, Blerim Syla.

“Nuk kemi marrë ende përgjigje nga Qeveria. Ne kemi marrë vendim që të enjten të filloj greva nga ora 07:00 deri në ora 15:00, dhe do të punojmë vetëm për rastet urgjente”, ka thënë Syla.

VIDEO:

Sindikatat nuk zmbrapsen nga kërkesat e tyre për Ligjin e pagave, Qeveria vazhdon të heshtë Sindikatat nuk zmbrapsen nga kërkesat e tyre për Ligjin e pagave, Qeveria vazhdon të heshtë

Ai ka shtuar se greva do të vazhdojë sërish të enjten tjetër.

“Kjo do të vazhdojë edhe të enjten tjetër. Pra greva për këtë fillim do të mbahet vetëm të enjteve”, u shpreh Syla.

Ata kanë kërkuar rregullimin e gjendjes sociale të punëtorëve shëndetësorë përmes procedimit të Projektligjit për Paga në sektorin publik dhe implementimin e tij nga janari 2022. /Telegrafi/

The post Punëtorët shëndetësorë të enjten hyjnë në grevë appeared first on Telegrafi.