Roma konfirmon huazimin e dy lojtarëve te Getafe

Roma konfirmon se sulmuesi Borja Mayoral dhe mesfushori Gonzalo Villar i janë bashkuar Getafes në formë huazimi deri në fund të sezonit.

Giallorossët kanë lejuar huazimin e dy lojtarëve spanjoll, të cilët nuk kanë gjetur hapësira në skemat e trajnerit Jose Mourinho.

VIDEO:

“Klubi mund të konfirmojë se sulmuesi Borja Mayoral dhe mesfushori Gonzalo Villar kanë përfunduar lëvizjet e përkohshme te skuadra spanjolle Getafe CF”.

“Të dy lojtarët i janë bashkuar ekipit të La Ligës në formë huazimi deri më 30 qershor 2022”.

“Villar, 23 vjeç, iu bashkua Romës në janar 2020 dhe ka bërë 64 paraqitje në të gjitha garat deri më tani – përfshirë 42 ndeshje në Serie A”.

“Mayoral, 24 vjeç, iu bashkua Giallorossëve në verën e vitit 2020 – duke shënuar 18 gola në 56 ndeshje në të gjitha garat për ekipin”.

“Klubi dëshiron t’u urojë fat të dy lojtarëve me këtë sfidë të re”, thuhet në deklaratën e Romës. /Telegrafi/

The post Roma konfirmon huazimin e dy lojtarëve te Getafe appeared first on Telegrafi.