Roma nuk ia del të mposht Beneventon me dhjetë lojtarë

Roma nuk ka arritur të marrë më shumë se një pikë ndaj Beneventos që luajti me dhjetë lojtarë nga pjesa e dytë në takimin që u zhvillua në javën e 23-të në Serie A.

Giallorossët krijoi një shans të mirë me anë të Borja Mayoral, por spanjollit i mungoi efikasiteti.

Benevento më pas rrezikoi me anë të Gianluca Lapadulas që shënoi në portë e Romës, mirëpo ajo u anulua për pozitë jashtë loje në minutën e 16-të.

VIDEO:

Vendasit vazhduan me presion të lartë dhe përsëri rrezikuan me anë të Lapadulas (33’), mirëpo kësaj here ishte jashtë porte.

45 minutat e dytë ishin në favor të romakëve, por që nuk e shfrytëzuan as kësaj here.

Benevento mbeti me dhjetë lojtarë në fushë në minutën e 57-të, pasi Kamil Glik pranoi edhe kartonin e dytë të verdhë.

Rick Karsdorp (64’) më pas tentoi të kalonte Romën në epërsi, por goditjen e tij e ndali Lorenzo Montipo.

Giallorossët tentuan deri në fund të shënonin golin e fitores, mirëpo morën vetëm një pikë nga ky takim.

Pas javës së 23-të, Roma gjendet në vendin e tretë me 44 pikë, nëntë më pak se lideri Inter. /Telegrafi/

The post Roma nuk ia del të mposht Beneventon me dhjetë lojtarë appeared first on Telegrafi.