Ronaldo nuk mjafton, Wan-Bissaka e Lingard tradhtojnë ‘Djajtë e Kuq’ – Young Boys merr tri pikë ndaj Man United

Young Boys ka mposhtur Manchester United me rezultat 2-1, në ndeshjen hapëse të fazës së grupeve të Ligës së Kampionëve.

Ndeshja nisi shumë më mirë për ‘Djajtë e Kuq’, pasi që në rastin e parë në minutën e 14-të arritën të shënonin.

Bruno Fernandes bën një pasim shumë të mirë te Cristiano Ronaldo, i cili nga afër shënon në mesin e këmbëve të portierit për 1-0.

VIDEO:

Ronaldo sërish provoi në minutën e 25-të, por portieri Von Ballmoos arriti të mbrojë.

Man Utd mbeti me një lojtarë më pak në minutën e 35-të, kur Aaron Wan Bissaka, mori karton të kuq.

Në pjesën e dytë anglezët vetëm u mbrojtët, duke rrezikuar shumë rrallë.

Barazimi erdhi në minutën e 66-të, kur Nicolas Moumi Ngamaleu i Young Boys shënoi për 1-1.

Krejt në kohën shtesë, Jesse Lignard pason gabimisht te Jordan Siebatcheu i cili shënoi për 2-1.

United e nis keq këtë edicion në Ligën e Kampionëve. /Telegrafi/

The post Ronaldo nuk mjafton, Wan-Bissaka e Lingard tradhtojnë ‘Djajtë e Kuq’ – Young Boys merr tri pikë ndaj Man United appeared first on Telegrafi.