Ronaldo ‘pushton’ rrjetet sociale, ndaj Izraelit bëri goditjen e lirë më të keqe në karrierën e tij

Cristiano Ronaldo ekzekutoi një goditje të lirë të tmerrshme gjatë ndeshjes miqësore të Portugalisë ndaj Izraelit dhe goditja po cilësohet si më e keqja e tij në karrierë.

Portugalia mori një fitore të thellë 4-0 ndaj Izraelit në një miqësore luksi disa ditë para nisjes së Euro 2020.

Golat në këtë fitore të portugezëve u shënuan nga Bruno Fernandes (42’, 90+), Cristiano Ronaldo (44’) dhe Joao Cancelo (86’).

VIDEO:

Paraqitja brilante dhe ‘raketa’ e Bruno Fernandes ndaj Izraelit po vlerësohet lartë Paraqitja brilante dhe ‘raketa’ e Bruno Fernandes ndaj Izraelit po vlerësohet lartë

Ylli i skuadrës, Ronaldo pati një paraqitje relativisht pozitive, por një moment jo i mirë i lojës së është bërë viral në rrjetet sociale.

Ronaldo bëri një nga ekzekutimet më të këqija në histori të gjuajtjes së lirë, me topin që ishte afër të përfundonte jashtë stadiumit.

E gjithë kjo ndodhi në fillim të pjesës së parë kur rezultat ishte 0-0.

Momenti i goditjes po komentohet shumë në rrjetet sociale, ndërsa nuk mungojnë talljet me ‘goditjen e tmerrshme’ të CR7.

“Ai me të vërtetë duhet të heqë dorë nga gjuajtjet e lira tani” dhe “Ai qëndron me aq besim dhe më pas shpërthen topin në orbitë”, ishin disa nga komentet e tifozëve. /Telegrafi/

The post Ronaldo ‘pushton’ rrjetet sociale, ndaj Izraelit bëri goditjen e lirë më të keqe në karrierën e tij appeared first on Telegrafi.