Rrahet djali i politikanit Nenad Rashiqit

Djali i politikanit në Kosovë, Nenad Rashiqit, është sulmuar fizikisht të hënën nga rreth 30 persona.

Nikolla Rashiq, është rrahur në fshatin Llapnasellë të Graçanicës derisa po dilte nga shkolla.

VIDEO:

Nikolla Rashiq ka pësuar dëmtime të rënda në fytyrë dhe në kokë, ku sipas babait të tij i janë thyer dhëmbët.

Kështu ka deklaruar vet Nenad Rashiq, gjatë një interviste në KALLXO Pernime.

“Djali tani është në shtëpi. Nesër do t’i vazhdojmë kontrollet e mëtutjeshme. Pas përfundimit të shkollës, ka qenë një grup rreth 30 persona, që përveç boksave të hekurt, ata kanë pasur edhe çekiçë e thika. Unë kam pranuar që duhet ta paguaj çmimin e ideologjisë që kam, por me të vërtetë unë nuk kam pritur që djali im duhet ta paguajë çmimin kaq jornomal”, ka thënë Rashiq.

Nenad Rashiq ushtruar funksionin e Ministrit të Punës dhe Mirëqenies Sociale nga Partia Progresive e Serbeve. Ai gjithashtu për një kohë të shkurtër ka qenë edhe këshilltar i ish kryeministrit Kurti./Insajderi.com