Samiti për Demokraci në SHBA, publikohet lista zyrtare me vendet që janë ftuar   

Presidenti i ShBA-ve, Joe Biden më 15 nëntor bëri të ditur se i ka dërguar ftesë presidentes Vjosa Osmani për të marrë pjesë në Samitin për Demokraci që do të organizohet në dhjetor të këtij viti, ndërsa Departamenti i Shtetit tashmë ka bërë publikuar listën zyrtare me vendet që janë ftuar në samit.

Në letrën që Biden i ka dërguar Osmanit thuhet se “ne e njohim dhe e vlerësojmë partneritetin tuaj në punën për të ndërtuar demokraci dhe shoqëri që respektojnë të drejtat e njeriut që lejojnë të gjithë qytetarët të lulëzojnë”.

Burime nga administrata amerikane në Uashington kishin konfirmuar për Telegrafin se Kosova do të ftohet në Samitin e Demokracisë, i cili organizohet nga presidenti amerikan Joseph Biden, në Uashington më 9 dhe 10 dhjetor.

Letra e plotë e Biden dërguar Osmanit për pjesëmarrje në Samitin për Demokracinë Letra e plotë e Biden dërguar Osmanit për pjesëmarrje në Samitin për Demokracinë

VIDEO:

Vendimi i administratës amerikane që ta ftojë Kosovën erdhi disa ditë pas njoftimit se vendi ynë nuk ishte në mesin e shteteve pjesëmarrëse, e që kishte shkaktuar debate në vend.

Fillimisht u publikua nga mediumi amerikan Politico lista jozyrtare me vendet që janë ftuar, aty nuk ka figuruar edhe shteti i Kosovës, ku si rrjedhojë pati edhe reagime.

Samiti për Demokraci- do të marrin pjesë shumë vende të botës, por jo edhe Kosova Samiti për Demokraci- do të marrin pjesë shumë vende të botës, por jo edhe Kosova

20 organizata joqeveritare nga Kosova përmes një letre dërguar Shteteve të Bashkuara të Amerikës, patën kërkuar që të shqyrtohet ftesa për Kosovën për pjesëmarrje në Samitin e Demokracisë.

Ndërkaq, disa ditë më vonë, saktësisht më 15 nëntor Presidenti i ShBA-ve, Joe Biden më 15 nëntor bëri të ditur se i ka dërguar ftesë presidentes Vjosa Osmani për të marrë pjesë në Samitin për Demokraci.

Ndërkaq, sot lista zyrtare me vendet e ftuara në Samitin për Demokraci është bërë publike dhe Kosova është në mesin e shteteve që është ftuar.

Listën e vendeve që janë ftuar në Samitin për Demokraci mund ta gjeni KËTU. /Telegrafi/

The post Samiti për Demokraci në SHBA, publikohet lista zyrtare me vendet që janë ftuar    appeared first on Telegrafi.