Shënoi gol në minutat e fundit, Alisson golin i’a dedikon babait që ka vdekur aksidentalisht në liqen

Portieri i Liverpool, Alisson Becker, shpëtoi sezonin e skuadrës së tij me golin me kokë në minutën e fundit. Falë golit të tij, Liverpool ka shance reale për tu kualifikuar në Champions League, teksa vetëm dy muaj më parë dukej e pamundur një gjë e tillë, njofton Insajderi.

VIDEO:

Këtë moment kaq të veçantë në jetën e tij, Alisson ja ka dedikuar babait të tij, i cili u nda nga jeta vetëm disa javë më parë. Jose Becker u mbyt në mënyrë tragjike, kur ishte duke notuar në liqen. Alisson u shpreh se do të donte që babai i tij të ishte gjallë për ta parë teksa shënonte golin historik.

“Kam qenë i rënduar nga emocionet këto muajt e fundit, për shkak të asaj që ndodhi në jetën time. Por futbolli është jeta ime, kam luajtur që kur babai më mësoi të gjuaja topin. Do të doja të ishte këtu për ta parë këtë gol, por jam i sigurtë se është duke festuar nga parajsa”, u shpreh duke qarë Alisson Becker. /Insajderi.com