Sulmuesi i Lincolnit vrapon për të festuar golin para fytyrës së ish-menaxherit të tij, lajmi bëhet viral

Sulmuesi i Lincoln City, Chris Maguire ka shkaktuar bujë në League One pasi festoi golin kundër ish-skuadrës së tij Sunderland duke brohoritur përballë trajnerit, Lee Johnson.

Maguire kaloi tre sezone në Sunderland midis viteve 2018 dhe 2021, por u la i lirë nga Johnson kur kontrata e tij mbaroi në muajin korrik.

Anësori skocez do të vazhdonte t’i bashkohej Lincoln në një transferim të lirë gjatë verës dhe doli kundër ish-klubit të tij në një ndeshje të ligës në ‘Stadium Of Light’ të martën mbrëma.

VIDEO:

Momenti i festës

Maguire kaloi ekipin e tij në avantazh me një goditje të shkëlqyer pas gjysmë ore lojë dhe shfrytëzoi plotësisht mundësinë e tij për të festuar.

Pasi fillimisht ngriti duart lart për t’u kërkuar falje mbështetësve të Sunderland, Maguire vrapoi drejt vijës së kontaktit për të festuar përballë ish-trajnerit Johnson.

Maguire do të vazhdonte të shënonte edhe një penallti në pjesën e dytë përpara se të përfundonte het-trikun e tij me një përfundim të mirë, 15 minuta para përfundimit, duke vulosur një fitore 3-1 për Lincoln.

Festa provokuese e Maguire sigurisht që ka bërë që fansat të flasin në rrjetet sociale dhe shumë nga ta po e përkrahin festimin edhe pse nxitës. /Telegrafi/

 

The post Sulmuesi i Lincolnit vrapon për të festuar golin para fytyrës së ish-menaxherit të tij, lajmi bëhet viral appeared first on Telegrafi.