Suveniri i përgjakshëm, surfisti mbeti pa këmbë e në këmbim mbajti dhëmbin e peshkaqenit: Ai nuk do ta merr, ashtu sikur unë këmbën time

Një surfist australian i cili mezi i mbijetoi sulmit të peshkaqenit të madh të bardhë, është personi i parë që ka fituar “suvenir”, falë një përjashtimi të ligjit të miratuar në Australi lidhur me mbrojtjen e specieve të rralla – duke i mundësuar të mbajë dhëmbin e peshkaqenit që kishte mbetur i “ngulur” në dërrasën e tij.

Surfisti Chris Blowes humbi njërën këmbë dhe dhjetë ditë i kaloi në koma, pas sulmit në jug të Australisë gjatë vitit 2015, transmeton Telegrafi.

Dhëmbi i peshkaqenit kishte mbetur i varur në dërrasën e tij, por në Australi ndalohet posedimi i çfarëdo pjese të kafshëve të mbrojtura me ligj. Megjithatë, tani ky vend ka bërë një përjashtim duke i mundësuar Blowesit të mbaj si suvenir dhëmbin e peshkaqenit.

VIDEO:

Blowes, 32-vjeç, po lundronte kur peshkaqeni 5.5 metra e sulmoi nga pas.

“Ka luajtur me mua. Në fund më këputi këmbën”, ka thënë i riu.

E pasi që dy miqtë e nxorën nga uji, Blowes është dërguar me urgjencë në një spital në Adelaide.

“Zemra më është ndalur dhe nuk tregoja kurrfarë shenje jete”, ka shtuar ai.

E kur policia gjeti dërrasën me të cilën kishte lundruar, në të kishte mbetur i ngulur një dhëmb i peshkaqenit. E bazuar në ligjet në fuqi për kafshët e mbrojtura, Blowes nuk ka mundur të mbajë dhëmbin, pasi që është e kundërligjshme posedimi, shitja apo blerja e çfarëdo pjese e peshkaqenit të bardhë dhe kjo shkelje e ligjit dënohet deri në dy vite burgim dhe një dënim prej 100 mijë dollarë australianë.

Blowes i kishte pyetur disa herë autoritetet që ta lejojnë ta mbajë dhëmbin, por ishte një politikan lokal që mësoi për rastin e tij – dhe pas intervenimit iu lejua ta mbajë dhëmbin.

“Ka qenë i ngulur në dërrasën time. Kurrë nuk do të mbysja një peshkaqen për shkak të dhëmbëve – por pasi që ajo më mori këmbën, nuk shoh ndonjë arsye pse nuk do të mund të mbaja unë dhëmbin. E dimë që peshkaqenit nuk do t’i kthehet dhëmbi – ashtu sikurse edhe mua këmba”, ka shtuar ai. /Telegrafi/

The post Suveniri i përgjakshëm, surfisti mbeti pa këmbë e në këmbim mbajti dhëmbin e peshkaqenit: Ai nuk do ta merr, ashtu sikur unë këmbën time appeared first on Telegrafi.