Tërmkolli: VV s’ka kapacitet për qeverisje, shpejt mund të ketë fatin e “shokut Zylo”

Melihate Tërmkolli

Zyrtarja e Lidhjes Demokratike të Kosovës, Melihate Tërmkolli ka thënë se VV po dëshmon se nuk ka kapacitete të mjaftueshme për të qeverisur në këtë shtet.

Ajo u shpreh se nëse qeveria nuk punon në interes të shtetit të qytetarëve ashtu siç ka deklaruar, për më se 10 vjet ose shumë shpejtë mund të ketë fatin e “shokut Zylo”.

VIDEO:

Postimi i plotë:

De-maskimi!

Partia në pushtet, VV dhe Qeveria, po dëshmojnë se nuk kanë kapacitete dhe potencial të mjaftueshëm për të qeverisur me këtë shtet, e rrjedhimisht nuk kanë as kapacitete për të përmbushur detyrimet nga koncepti e programi politik mbi bazë të të cilit e kanë fituar pushtetin.

Arroganca, keqpërdorimet e mëdha dhe abuzimi me pushtetin dhe paranë publike për njëqind ditë qeverisje, anashkalimi i çështjeve dhe problemeve esenciale të jetës së qytetarëve dhe çështjeve të funksionimit të shtetit, e bëjnë VV-në të papërgatitur për qeverisje ndërsa për aq sa qeverisë, qeverisë keq dhe dëmshëm.

Për qeverisje serioze dhe zhvillim të shtetit, nuk mjaftojnë vetëm numrat!

Kjo qeveri ose duhet të plotësojë kapacitetet përtej ngushtësisë politike e partiake dhe të punojë në interes të shtetit e qytetarëve ashtu si’ç ka deklaruar për më se dhjetë vite ose shumë shpejt mund të ketë fatin e “shokut Zylo”, shkëlqimin dhe rënien!

Nuk është për t’ju gëzuar kësaj situate! Përkundrazi!

Problemi në këtë rast nuk qëndron te shkëlqimi apo rënia e një partie, një qeverie apo një kryeministri. Problem është dëmi për shtetin e qytetarët si dhe për “shpresën” dhe pritjet aq të mëdha të stisura nga vetë partitë në pushtet, VV e grupacioni “Guxo”!

#MT