Tifozët e Milanit me pankartë dhe brohoritje për Shevchenkon – ukrainasi emocionohet në rikthimin e tij në “San Siro”

Trajneri i Genoas, Andriy Shevchenko, dukej vërtet i prekur pasi ultrasit e Milanit në San Siro përshëndetën legjendën e klubit me pankarta dhe brohoritje.

Ukrainasi thuhej se do të shkarkohet pas kësaj ndeshjeje të raundit të 1/16 të Kupës së Italisë, pavarësisht rezultatit, vetëm dy muaj pasi mori drejtimin nga Davide Ballardini.

Shumë media shkruajnë se pronarët e Genoas kanë vendosur tashmë të shkarkojnë Shevchenkon dhe të sjellin një zëvendësues për të.

VIDEO:

Prandaj, ai ishte tashmë pak emocional kur u kthye në “San Siro”, vend që kishte qenë shtëpia e tij për kaq shumë vite si lojtar në dy periudha të ndryshme.

Shevchenko dukej se kishte disa lot në sytë e tij teksa i bëri me dorë turmës kur ata brohorisnin emrin e tij përpara fillimit të ndeshjes.

Me fillimin e ndeshjes, ultrasit e Milanit shpalosën edhe një pankartë të madhe për ish-sulmuesin.

“Një histori e gjatë dashurie, vështrimi në Mançester i skalitur në zemrat tona. Sheva, legjendë përgjithmonë”.

Fraza:”Vështrimi në Mançester”, sigurisht iu referua shikimit të Shevchenkos ndaj gjyqtarit, ndërsa ai po përgatitej për të ekzekutuar penalltinë vendimtare në fitoren e finales së Ligës së Kampionëve ndaj Juventusit në Old Trafford në 2003.

 

Milani me atë gol mori trofeun më të lakmuar për klub në Evropë. /Telegrafi/

The post Tifozët e Milanit me pankartë dhe brohoritje për Shevchenkon – ukrainasi emocionohet në rikthimin e tij në “San Siro” appeared first on Telegrafi.