Tortë me dizajn dollarësh, shampanjë dhe mbishkrimi “King” – Morena Taraku befasohet që në orët e para të ditëlindjes së saj

Këngëtarja dhe modelja e njohur shqiptare, Morena Taraku, feston sot (e enjte) ditëlindjen.

Me këtë rast, ajo ka pranuar urime të shumta nga miqtë, familjarët dhe fansat e shumtë të saj.

Festimet e ditëlindjes, Morena i nisi qysh në orët e para të datës 1 prill, me një festë luksoze të organizuar në shtëpinë e saj.

Ajo ka ndarë me ndjekësit e saj në Instagram disa imazhe, nga festa e zhvilluar në vilën e saj luksoze në Stamboll të Turqisë.

Shampanjat e shumta, tortë me kekë gjithandej si dhe një mbishkrim i madh me fjalët “King M.T” nuk munguan në oborrin luksoz të modeles, i cili ka edhe një pishinë.

Morena Taraku është vetëm 28 vjeçare, dhe shquhet si një prej femrave shqiptare më të ndjekura në rrjetin social Instagram.

Ajo e nisi karrierën e saj si modele, gjersa më pas iu fut edhe rrugës së muzikës dhe ndërmarrësisë.

Tashmë ajo gjeneron një biznes të ri të produkteve kozmetike në Stamboll. /Telegrafi/

 

 

 

The post Tortë me dizajn dollarësh, shampanjë dhe mbishkrimi “King” – Morena Taraku befasohet që në orët e para të ditëlindjes së saj appeared first on Telegrafi.