Vuçiq pret në Beograd përfaqësuesit Listës Serbe, bashkë me ta edhe i sanksionuari Radojiçiq

<!–

–>

VIDEO:

Vuçiq pret në Beograd përfaqësuesit Listës Serbe.

Ndërkohë që në Kosovë po zhvillohej takimi mes ambasadorëve të QUINT-it dhe liderëve shtetëror, Aleksander Vuçiq, në Serbi ka takuar përfaqësuesit e Listës Serbe në Beograd. Nga pamjet brenda takimit është parë edhe Milan Radojciq nënkryetar i këtij subjekti që është futur së fundi në listën e sanksioneve të Thesarit amerikan të shtetit.

Në takim po merr pjesë edhe drejtori i të ashtuquajturës Zyra për Kosovën në qeverinë serbe, Petar Petkoviq si dhe ministri i Brendshëm, Aleksander Vulin.
Prezent gjithashtu janë edhe kryetari i Listes Serbe Goran Rakiq dhe anëtarët Slavko Simiq dhe Dalibor Jevtiq.

Mbajtja e referendumit të Serbisë në Kosovë pritet të jetë tema e këtij takim, mbajtjen e të cilit po e kundërshton qeveria e Kosovës.

Ambasadorët e vendeve të QUINT-it si dhe Bashkimi Evropian i kanë bërë thirrje kryeministrit Kurti që të lejojë mbajtjen e këtij referendumi ashtu siç është bërë më herët.

Kurti pas takimit me ambasadorët e QUINT-it ka deklaruar se do të thërrasë seancë të jashtëzakonshme të Kuvendit të Kosovës për nesër në ora 14:00